TANZANIA NA ZIMBABWE KUIMARISHA USHIRIKIANO WA KIMKAKATI

 


Tanzania na Zimbabwe zimekubaliana kuimarisha ushirikiano wa kimkakati katika nyanja za siasa, uchumi, ulinzi na usalama, biashara, kilimo, elimu, utalii na maendeleo ya kijamii. Hatua hii inalenga kuhakikisha wananchi wa mataifa haya mawili wananufaika moja kwa moja na uhusiano wa kihistoria uliojengeka tangu enzi za harakati za ukombozi wa Bara la Afrika.


Makubaliano hayo yalibainishwa wakati wa mazungumzo kati ya Waziri wa Mambo ya Nje na Ushirikiano wa Afrika Mashariki, Mhe. Balozi Mahmoud Thabit Kombo, na Waziri wa Mambo ya Nje na Biashara za Kimataifa wa Zimbabwe, Prof. Dkt. Amon Murwira, pembezoni mwa Mkutano wa 22 wa Mawaziri wa Mambo ya Nje wa Afrika na Nordic uliofanyika mjini Victoria Falls tarehe 2 na 3 oktoba 2025.


Waziri Kombo alisisitiza kuwa mshikamano wa Tanzania na Zimbabwe umejengwa juu ya msingi wa ukombozi na mshikamano wa kiafrika, na kwamba Serikali ya Awamu ya Sita inayoongozwa na Mhe. Rais Dkt. Samia Suluhu Hassan imejipanga kuhakikisha uhusiano huo unazidi kuimarika. Aidha, aliipongeza Zimbabwe kwa mshikamano wake na Tanzania katika majukwaa ya kikanda na kimataifa, akibainisha kuwa mshikamano huo umechangia amani na maendeleo ya kikanda.


Katika kuimarisha diplomasia ya uchumi, Waziri Kombo alisisitiza umuhimu wa kuendeleza sekta ya utalii, akitolea mfano kivutio cha Victoria Falls na kueleza mpango w

a kuanzisha safari za moja kwa moja kati ya Zanzibar na Victoria Falls ili kuongeza idadi ya watalii na kuimarisha biashara. Vilevile, alibainisha mafanikio ya ushirikiano wa anga kati ya Tanzania na Zimbabwe kupitia makubaliano ya BASA, ambapo ATCL na Shirika la Ndege la Zimbabwe yanaendesha safari za moja kwa moja zinazochochea utalii na biashara.


Waziri Kombo pia aliipongeza Zimbabwe kwa mshikamano wake katika jitihada za Tanzania kugombea kiti cha Ujumbe Usio wa Kudumu katika Baraza la Usalama la Umoja wa Mataifa kwa kipindi cha 2027–2028, sambamba na kuunga mkono mapendekezo ya Tanzania kuhusu kuanzishwa kwa Kituo cha Urithi wa Afrika. Aidha, alitolea mfano ziara ya kampuni 16 kutoka Tanzania zilizotembelea Zimbabwe hivi karibuni kwa mazungumzo ya uwekezaji kama kielelezo cha mshikamano wa kiuchumi kati ya nchi hizi mbili.


Kwa upande wake, Prof. Dkt. Murwira alisema Zimbabwe inatambua mchango mkubwa wa Tanzania katika harakati za ukombozi na itaendelea kudumisha mshikamano huo wa kihistoria na kidugu. Aliahidi kuwa Zimbabwe itaunga mkono jitihada za Tanzania katika majukwaa ya kikanda na kimataifa, akibainisha kuwa mshikamano huu ni chachu ya kuimarisha mshikamano na kupaza sauti zao katika masuala ya kimataifa.


Uhusiano huo kati ya Tanzania na Zimbabwe unatarajiwa kuchochea maendeleo ya kiuchumi, kuongeza uwekezaji, kukuza ajira na kuimarisha ustawi wa wananchi wa mataifa haya mawili.




Maoni

Chapisha Maoni

Machapisho maarufu kutoka blogu hii

TCCIA YAITAKA SERIKALI KUWEKA MIFUMO YA KISHERIA INAYOLINDA MASLAI YA WAZAWA.

Picha
  Na Ngonise Kahise,Dar es salaam  Chemba ya biashara,viwanda na kilimo Tanzania(TCCIA) imetoa wito kwa Serikali juu ya kuwepo kwa sheria na sera zitakazotoa kipaumbele kwa wazawa zaidi ili kuhakikisha ushiriki wa Watanzania katika miradi mikubwa ya kiuchumi umekuwa wa dhati na wenye tija zaidi. ‎Akizungumza leo Septemba 23,2025 katika mkutano na Waandishi wa Habari kwenye makao makuu ya Ofisi zao,Gerezani Jijini Dar es salaam Rais wa TCCIA Vincent Minja alieleza wakati sahihi umefika kwa taifa kuwa na sera na sheria mahsus zinazolenga kuwawezesha wananchi kiuchumi. ‎ ‎" Tunaipongeza Serikali kwa kuwavutia wawekezaji wa ndani na nje lakini bado tunakabiliwa na changamoto ya ushiriki mdogo wa Watanzania katika miradi ya kimkakati hivyo ni muhimu sasa kuweka mifumo ya kisheria inayolinda maslai ya wazawa",amesema Minja. ‎ ‎Minja amebainisha kuwa sheria zilizopo zina msingi mzuri lakini zinahitaji marekebisho kwa mfano sheria ya Local Content na sheria ya Ununuzi wa Umma(PP...
Endelea kusoma
Picha
KAMPUNI YA VIOO NI MOTOO WA KUOTEA MBALI Na Ngonise Kahise Kampuni inayofanya kazi ya kutengeneza vioo kwenye majengo mbalimbali inayoitwa Dar es salaam Glass works imetoa wito kwa watanzania,taasisi binafsi na mashirika ya Umma kuwa viwango vya bidhaa zao vina ubora wa Kitaifa na  Kimataifa.  ‎ ‎Akizungumza na waandishi wa habari leo 2, Septemba 2025 kwenye maonyesho ya Wahandisi,Upanga Jijini Dar es salaam Afisa masoko wa kampuni hiyo Hassanaly Dastoor Talib amesema kuwa usalama ndilo jambo muhimu na wanalolizingatia katika wanapotoa huduma zao kwenye maeneo ya ujenzi. ‎ "Kitu cha kwanza ambacho Dar es salaam glass works tunaangalia kwanza usalama wa jengo,usalama wa watanzania na usalama wa wafanyakazi wetu hivyo waondoe mashaka juu ya utendaji wetu". ‎ Aidha amebainisha kuwa kuimarika na uthabiti wa kiwanda na biashara hiyo umeletwa na uzoefu mkubwa walionao juu ya bidhaa hiyo. ‎ "Katika maeneo ya vioo sisi tulikuwa watu wa kwanza kuleta vioo Tanzania yaani kampu...
Endelea kusoma
Picha
TUTAONGEZA MTAALA WA ELIMU YA UFUNDI NA VITENDO KWENYE SHULE ZA MSINGI, SEKONDARY NA  Na Mwandishi wetu  Mgombea wa kiti cha Urais na Katibu Mkuu wa Chama cha Tanzania Labor Party (TLP) Yustas Rwamugira ameinadi sera ya Chama ya kuongeza Elimu ya ufundi(practical) kwa shule za msingi, secondary na vyuoni lengo ili kuongeza uelewa katika kujitegemea. Akihutubia katika kampeni za Chama hicho zilizofanyika kwenye viwanja vya Kivule,Jijini Dar es salaam Mgombea huyo Elimu ya watoto na vijana misingi yake ni kwenye ujuzi wa kusoma tu,hivyo wataanzisha utaratibu kwenye shule zote wawe na utaratibu wa kufundisha kwa ujuzi na vitendo. ‎"Tunaporudi kwenye Elimu kijana anajifunza elimu ya darasani tu wakati mwingine hata maabara haipo ya Chama chetu tunasema tutaanzisha hizi shule za msingi,sekondary na chuo wawe na utaratibu wa kuwa shule za ufundi na Elimu ya darasani ili mwanafunzi akimaliza shule awe ameelewa elimu ya kilimo,Ujenzi wa majumba au barabara,mekaniki na kadhalika kwa s...
Endelea kusoma