JEMA AFRICA WAZINDUA MFUMO WA ZABUNI WA UNUNUZI WA MAGARI WA MOJA KWA MOJA MTANDAONI ‎

Na Mwandishi wetu 



Kampuni ya Jema Africa imezindua Mfumo wa zabuni wa Ununuzi wa magari moja kwa moja mtandaoni iitwayo Online vehicle Live Bidding System ikiwa ni mara ya kwanza kwa mfumo huu kutumika nchini Tanzania na ukanda wote wa Afrika

Akizungumza katika uzinduzi huo uliofanyika jijini Dar es Salaam, Mkuu wa Kitengo cha Kampuni ya JEMA AUTO, Bw. Lazaro Lutobeka, alisema mfumo huo ni hatua muhimu katika mageuzi ya kidigitali yanayolenga kurahisisha upatikanaji wa magari moja kwa moja kutoka Japan kwa uwazi, uharaka na gharama nafuu.


“Mfumo huu wa mnada wa magari mtandaoni ni wa kwanza wa aina yake nchini. Unamwezesha mnunuzi kushiriki moja kwa moja kwenye mnada halisi wa magari unaofanyika Japan kwa wakati huo huo, bila haja ya kusafiri. Ni mageuzi makubwa yanayolenga kuongeza ufanisi, uwazi na ushindani wa haki kwa wateja wetu,” alisema Bw. Lutobeka.


Kwa mujibu wa Bw. Lutobeka, mfumo huu umeunganishwa na zaidi ya minada mikubwa 40 ya magari nchini Japan, na kupitia tovuti ya kampuni hiyo www.jemaauto.com, wateja sasa wanaweza kufikia magari zaidi ya 400,000 yaliyoko tayari kwa mauzo.


Alisema mfumo huo unawezesha washiriki kuweka zabuni zao moja kwa moja kupitia kivinjari cha wavuti au programu ya simu, huku mnada ukionyesha bei za wakati halisi, muda uliosalia na mteja anayeshinda.


Bw. Lutobeka alifafanua kuwa mfumo huo unakuja na manufaa lukuki kwa wanunuzi. Kwanza, unamwezesha mteja kununua kutoka popote duniani bila kuingia gharama za usafiri au malazi, mradi tu ana intaneti na kifaa cha kielektroniki kama simu au kompyuta. Pia unatoa wigo mpana wa magari kuliko kampuni moja, jambo linalompa mteja fursa kubwa zaidi ya kuchagua gari analolitaka kwa bei shindani.


Aidha, mfumo huu unaongeza uwazi wa ushindani kwa kuwa mnunuzi anaona zabuni za washiriki wengine kwa muda halisi, hali inayoongeza uadilifu na kuondoa mazungumzo ya siri. Bei halisi ya soko inaonekana wazi, hivyo mnunuzi anaweza kupata gari kwa bei nafuu kulingana na ushindani uliopo kwa wakati huo.


Vilevile, mfumo unatoa taarifa kamili za gari husika kabla ya mnada kama historia ya matengenezo, idadi ya wamiliki na ubora wa gari kupitia ripoti maalum ya ukaguzi (auction sheet). Mteja pia anaweza kufuatilia kwa urahisi mwenendo wa mnada kwa kuona bei, muda uliosalia na hali ya ushindani wa kila gari bila usumbufu wa mikutano au msongamano wa watu.


Katika hatua nyingine, Bw. Lutobeka alitangaza kampeni maalum ya kumaliza mwaka ambayo JEMA AUTO imeandaa kwa ajili ya kuwazawadia wateja wake wote watakaonunua magari kupitia mfumo huo kuanzia leo hadi Desemba 31, 2025. Kupitia kampeni hiyo, kila mteja atapokea zawadi ya TZS 200,000 taslimu kwa kila gari atakalolinunua.


“Tunataka wateja wetu waone thamani ya kuwa nasi. Hivyo mbali na punguzo hili, mwakani tutaendelea kutoa zawadi kama simu za mkononi, laptop na mabegi maalum kwa wateja watakaokuwa wamenunua magari mengi zaidi katika kipindi hiki,” alisema Lutobeka.


Akielezea kwa nini wateja wanapaswa kuichagua JEMA AUTO, Lutobeka alisema kampuni hiyo ni ya kizawa, inayoaminika na inayotoa huduma kwa uwazi, ubora na bei rafiki. Alisisitiza kuwa magari yote yanayoagizwa kupitia JEMA AUTO yanakidhi viwango vya ubora vilivyowekwa na TBS, yakianzia daraja la ubora wa grade 3.5 na kuendelea.


Pia alibainisha kuwa kampuni hiyo inatoa fursa ya kulipia gari kidogo kidogo, kusafirisha kwa haraka, na kumjulisha mteja kila hatua tangu anaponunua hadi anapokabidhiwa gari lake.


“Lengo letu ni kuhakikisha kila  Mtanzania ana nafasi ya kupata gari bora, kwa bei nafuu na kwa uwazi mkubwa zaidi kupitia teknolojia ya kisasa,” alihitimisha Lutobeka

Maoni

Chapisha Maoni

Machapisho maarufu kutoka blogu hii

TCCIA YAITAKA SERIKALI KUWEKA MIFUMO YA KISHERIA INAYOLINDA MASLAI YA WAZAWA.

Picha
  Na Ngonise Kahise,Dar es salaam  Chemba ya biashara,viwanda na kilimo Tanzania(TCCIA) imetoa wito kwa Serikali juu ya kuwepo kwa sheria na sera zitakazotoa kipaumbele kwa wazawa zaidi ili kuhakikisha ushiriki wa Watanzania katika miradi mikubwa ya kiuchumi umekuwa wa dhati na wenye tija zaidi. ‎Akizungumza leo Septemba 23,2025 katika mkutano na Waandishi wa Habari kwenye makao makuu ya Ofisi zao,Gerezani Jijini Dar es salaam Rais wa TCCIA Vincent Minja alieleza wakati sahihi umefika kwa taifa kuwa na sera na sheria mahsus zinazolenga kuwawezesha wananchi kiuchumi. ‎ ‎" Tunaipongeza Serikali kwa kuwavutia wawekezaji wa ndani na nje lakini bado tunakabiliwa na changamoto ya ushiriki mdogo wa Watanzania katika miradi ya kimkakati hivyo ni muhimu sasa kuweka mifumo ya kisheria inayolinda maslai ya wazawa",amesema Minja. ‎ ‎Minja amebainisha kuwa sheria zilizopo zina msingi mzuri lakini zinahitaji marekebisho kwa mfano sheria ya Local Content na sheria ya Ununuzi wa Umma(PP...
Endelea kusoma
Picha
KAMPUNI YA VIOO NI MOTOO WA KUOTEA MBALI Na Ngonise Kahise Kampuni inayofanya kazi ya kutengeneza vioo kwenye majengo mbalimbali inayoitwa Dar es salaam Glass works imetoa wito kwa watanzania,taasisi binafsi na mashirika ya Umma kuwa viwango vya bidhaa zao vina ubora wa Kitaifa na  Kimataifa.  ‎ ‎Akizungumza na waandishi wa habari leo 2, Septemba 2025 kwenye maonyesho ya Wahandisi,Upanga Jijini Dar es salaam Afisa masoko wa kampuni hiyo Hassanaly Dastoor Talib amesema kuwa usalama ndilo jambo muhimu na wanalolizingatia katika wanapotoa huduma zao kwenye maeneo ya ujenzi. ‎ "Kitu cha kwanza ambacho Dar es salaam glass works tunaangalia kwanza usalama wa jengo,usalama wa watanzania na usalama wa wafanyakazi wetu hivyo waondoe mashaka juu ya utendaji wetu". ‎ Aidha amebainisha kuwa kuimarika na uthabiti wa kiwanda na biashara hiyo umeletwa na uzoefu mkubwa walionao juu ya bidhaa hiyo. ‎ "Katika maeneo ya vioo sisi tulikuwa watu wa kwanza kuleta vioo Tanzania yaani kampu...
Endelea kusoma
Picha
TUTAONGEZA MTAALA WA ELIMU YA UFUNDI NA VITENDO KWENYE SHULE ZA MSINGI, SEKONDARY NA  Na Mwandishi wetu  Mgombea wa kiti cha Urais na Katibu Mkuu wa Chama cha Tanzania Labor Party (TLP) Yustas Rwamugira ameinadi sera ya Chama ya kuongeza Elimu ya ufundi(practical) kwa shule za msingi, secondary na vyuoni lengo ili kuongeza uelewa katika kujitegemea. Akihutubia katika kampeni za Chama hicho zilizofanyika kwenye viwanja vya Kivule,Jijini Dar es salaam Mgombea huyo Elimu ya watoto na vijana misingi yake ni kwenye ujuzi wa kusoma tu,hivyo wataanzisha utaratibu kwenye shule zote wawe na utaratibu wa kufundisha kwa ujuzi na vitendo. ‎"Tunaporudi kwenye Elimu kijana anajifunza elimu ya darasani tu wakati mwingine hata maabara haipo ya Chama chetu tunasema tutaanzisha hizi shule za msingi,sekondary na chuo wawe na utaratibu wa kuwa shule za ufundi na Elimu ya darasani ili mwanafunzi akimaliza shule awe ameelewa elimu ya kilimo,Ujenzi wa majumba au barabara,mekaniki na kadhalika kwa s...
Endelea kusoma