INEC TOENI TAMKO LA WAZI KWAMBA WANAOKUSANYA VITAMBULISHO VYA WAPIGA KURA WANAVUNJA SHERIA


Mwenyekiti wa Chama cha Wananchi CUF Prof.Ibrahimu Lipumba ametoa wito kwa Tume huru ya Uchaguzi(INEC) kutoa Tamko la wazi kwamba hakuna mtu  anayeruhusiwa kukusanya vitambulisho vya wananchi vya kupigia kura.

‎

‎Amezungumza hayo leo October 4,2025 na wananchi waliojitokeza kwenye kampeni za Chama hicho Mbagala Jijini Dar es salaam Prof.Lipumba amebainisha kuwa INEC inapaswa kusimamia taratibu na sheria bila ubaguzi.

‎

‎"Kuna watu wanavunja taratibu na sheria ,Tume inapaswa kulitamka hili wazi kuna watu wanaenda kukusanya vitambulisho vya kupigia kura,hilo ni uvunjaji wa sheria hivyo Tume itoe tamko la wazi kwamba hakuna anayeruhusiwa kukusanya vitambulisho hivyo na vyombo vya Dola viwakamate wanaofanya kosa hil.Huo ni wito wetu nautoa hadharani lakini pia unafuatiwa na  barua rasmi tunaipeleka Tume ya Uchaguzi,"Prof.Lipumba ameeleza.

‎

‎Proffesa amesema taratibu za Uchaguzi bado zina changamoto lakini  wamejitokeza kushiriki  kwa sababu ya Uzalendo walionao na wana shauku ya kuona nchi inapiga hatua madhubuti za kujenga demokrasia imara.

‎

‎Aidha Lipumba ameongeza kuwa vyombo vya ulinzi na usalama havipaswi kushiriki shughuli za kisiasa .

‎

‎" kwenye mitandao kulikuwa na kauli za hovyo ambazo zingeweza  kuleta sintofahamu nashukuru msemaji wa Jeshi alitamka kwamba wanajeshi wamekula kiapo kulinda katiba ya nchi wao hawapaswi kujiingiza katika shughuli za kisiasa.Ni muhimu vyombo vyetu vya Dola visishiriki katika shughuli za kisiasa,"amesema Lipumba .

‎

‎Vile vile ameeleza kipaumbele katika ilani ya CUF ni Katiba mpya ambayo watahakikisha imepatikana katiba yenye misingi mizuri ya Demokrasia

‎

‎"Lakini ili tupate katiba inayotokana na maoni ya wananchi ilani yetu ya Uchaguzi inaeleza kwamba Chama cha CUF kikishinda Uchaguzi tutaunda serikali ya umoja wa Kitaifa yenye lengo la kujenga umoja wa taifa letu kwa pamoja tuweze kukamilisha zoezi la kupata katiba yenye misingi imara ya Demokrasia katika nchi yetu", ameeleza.

‎

‎Pia amezungumza kuwa Bandari ni Rasilimali tosha ya kuongeza ajira kwa vijana kwani Tanzania imezungukwa na nchi ambazo hazina bandari .

‎

‎"Tuna bahati nchi yetu ina madini ya kila namna lakini mpaka hivi sasa gesi iliyopatikana kwa wingi katika Bahari ya Hindi mpaka gesi hiyo imeanza kununuliwa miaka ya 2005/2006 leo hii 2025 mpaka hivi leo maamuzi ya kuichimba gesi hiyo na kuweza kuwanufaisha Watanzania namaanisha maamuzi ya mwisho ya uwekezaji mpaka sasa hayajafikiwa",Proffesa amefafanua.

‎

‎Mwenyekiti huyo amebainisha kuwa Tanzania Ina madini kama Nicol yanayopatikana Kabanga, Graphite yanayopatikana Ruangwa pamoja na Shaba ambapo matumizi ya madini hayo  ni kutengeneza Betri za umeme.

‎

‎"Teknolojia imebadilika magari yanayotengezwa Duniani hivi sasa kwa wingi ni magari ya umeme yanahitaji Betri za umeme Chama cha CUF kinasema  tumejipanga tuweze kutumia Rasilimali hii betri za magari ya umeme ziweze kutengenezwa hapa nchini vijana wetu waweze kupata ajira",amesema Proffesa.



‎Katika hatua nyingine Prof.Lipumba amemnadi Mgombea wa Ubunge Jimbo la Mbagala kupitia Chama hicho Sheikh Said Kinyogoli na kuongeza kuwa October  29 wananchi wajitokeze kwa wingi kumchagua Mgombea huyo anayejua matatizo ya Mbagala.

‎Nae Said Kinyogoli amesema kuwa amekwishakuanza ziara za mtaa kwa Mtaa lengo ni kuwafikia wapiga kura wa Jimbo hilo kirahisi.

‎Kinyogoli amesema ili kuitengeneza Mbagala  wananchi kumpigia kura ili aiboreshe sekta ya Elimu katika Jimbo hilo.

‎"Serikali inatuambia Elimu ni bure,jambo ambalo sio kweli.Hapa tuna shule katika Jimbo letu inaitwa Mikwame Secondary,ile shule walimu ni wachache yaani walioajiriwa na Serikali hawatoshi  kwah hiyo wanachukuliwa Waliimu wa ziada kwa ajili ya kwenda kufundisha hawa walimu wa kukodishwa hawalipwi na Serikali wanafunzi wote wanaosoma Mikwame kila Mwezi wanachangishwa  elfu mbili kwa ajili ya kulipa Waliimu wale halafu tunaambiwa Elimu bure katika nchi hii", Amethibitisha Kinyogoli.

‎

‎

‎

‎

‎

Maoni

Chapisha Maoni

Machapisho maarufu kutoka blogu hii

TCCIA YAITAKA SERIKALI KUWEKA MIFUMO YA KISHERIA INAYOLINDA MASLAI YA WAZAWA.

Picha
  Na Ngonise Kahise,Dar es salaam  Chemba ya biashara,viwanda na kilimo Tanzania(TCCIA) imetoa wito kwa Serikali juu ya kuwepo kwa sheria na sera zitakazotoa kipaumbele kwa wazawa zaidi ili kuhakikisha ushiriki wa Watanzania katika miradi mikubwa ya kiuchumi umekuwa wa dhati na wenye tija zaidi. ‎Akizungumza leo Septemba 23,2025 katika mkutano na Waandishi wa Habari kwenye makao makuu ya Ofisi zao,Gerezani Jijini Dar es salaam Rais wa TCCIA Vincent Minja alieleza wakati sahihi umefika kwa taifa kuwa na sera na sheria mahsus zinazolenga kuwawezesha wananchi kiuchumi. ‎ ‎" Tunaipongeza Serikali kwa kuwavutia wawekezaji wa ndani na nje lakini bado tunakabiliwa na changamoto ya ushiriki mdogo wa Watanzania katika miradi ya kimkakati hivyo ni muhimu sasa kuweka mifumo ya kisheria inayolinda maslai ya wazawa",amesema Minja. ‎ ‎Minja amebainisha kuwa sheria zilizopo zina msingi mzuri lakini zinahitaji marekebisho kwa mfano sheria ya Local Content na sheria ya Ununuzi wa Umma(PP...
Endelea kusoma
Picha
KAMPUNI YA VIOO NI MOTOO WA KUOTEA MBALI Na Ngonise Kahise Kampuni inayofanya kazi ya kutengeneza vioo kwenye majengo mbalimbali inayoitwa Dar es salaam Glass works imetoa wito kwa watanzania,taasisi binafsi na mashirika ya Umma kuwa viwango vya bidhaa zao vina ubora wa Kitaifa na  Kimataifa.  ‎ ‎Akizungumza na waandishi wa habari leo 2, Septemba 2025 kwenye maonyesho ya Wahandisi,Upanga Jijini Dar es salaam Afisa masoko wa kampuni hiyo Hassanaly Dastoor Talib amesema kuwa usalama ndilo jambo muhimu na wanalolizingatia katika wanapotoa huduma zao kwenye maeneo ya ujenzi. ‎ "Kitu cha kwanza ambacho Dar es salaam glass works tunaangalia kwanza usalama wa jengo,usalama wa watanzania na usalama wa wafanyakazi wetu hivyo waondoe mashaka juu ya utendaji wetu". ‎ Aidha amebainisha kuwa kuimarika na uthabiti wa kiwanda na biashara hiyo umeletwa na uzoefu mkubwa walionao juu ya bidhaa hiyo. ‎ "Katika maeneo ya vioo sisi tulikuwa watu wa kwanza kuleta vioo Tanzania yaani kampu...
Endelea kusoma
Picha
TUTAONGEZA MTAALA WA ELIMU YA UFUNDI NA VITENDO KWENYE SHULE ZA MSINGI, SEKONDARY NA  Na Mwandishi wetu  Mgombea wa kiti cha Urais na Katibu Mkuu wa Chama cha Tanzania Labor Party (TLP) Yustas Rwamugira ameinadi sera ya Chama ya kuongeza Elimu ya ufundi(practical) kwa shule za msingi, secondary na vyuoni lengo ili kuongeza uelewa katika kujitegemea. Akihutubia katika kampeni za Chama hicho zilizofanyika kwenye viwanja vya Kivule,Jijini Dar es salaam Mgombea huyo Elimu ya watoto na vijana misingi yake ni kwenye ujuzi wa kusoma tu,hivyo wataanzisha utaratibu kwenye shule zote wawe na utaratibu wa kufundisha kwa ujuzi na vitendo. ‎"Tunaporudi kwenye Elimu kijana anajifunza elimu ya darasani tu wakati mwingine hata maabara haipo ya Chama chetu tunasema tutaanzisha hizi shule za msingi,sekondary na chuo wawe na utaratibu wa kuwa shule za ufundi na Elimu ya darasani ili mwanafunzi akimaliza shule awe ameelewa elimu ya kilimo,Ujenzi wa majumba au barabara,mekaniki na kadhalika kwa s...
Endelea kusoma